Yaqindagina APL qishki mavsumda foydalaniladigan to‘plarni namoyish etgandi. Rasmiy to‘p "Nike" tomonidan tayyorlangan bo‘lib, uni yaratishda 1992 yilgi versiyadan ilhomlangani aytiladi. Futbol muxlislari turnirning yangi atributini baholadi. Ijtimoiy tarmoqlarda to‘pga nisbatan asosan ijobiy reaksiyalar qoldirilgan. Unda, jumladan, shunday deyiladi:
- "To‘pning ko‘rinish ajoyib ekan";
- "Jahon chempionining to‘pidan ming marotaba yaxshiroq";
- "Men buni sotib olmasam bo‘lmaydi";
- "Men ko‘rgan to‘plarning eng zo‘ri shu ekan".
Shanba kuni, mahalliy vaqt bilan tushda, APLning navbatdagi turiga rasman start beriladi. Ilk bahsda "Lester Siti" hamda "Manchester Siti" o‘zaro kurash olib boradi va ana shu o‘yinda qishki to‘pning ilk namoyish bo‘ladi.
To‘pni ishlab chiqarishda qo‘llanilgan yaltiroq texnika - "High Vision Look" tufayli futbolchilar va muxlislar nisbatan past yorug‘likda ham to‘pni yaqqol ko‘rishlari mumkin bo‘ladi. To‘p oldingi versiyalariga qaraganda maysada yaxshi aylanadi. Havoda esa barqarorroq trektoriyada uchadi. "Nike" mahsulotni "Conditions Control Tech."dan foydalangan holda tayyorlagan. Bu esa to‘pga o‘ta nam yoki quruq havoda o‘z hajmini to‘la saqlab qolishga yordam beradi.
Yangi to‘pdan siz "Fulxem" - "Everton", "Liverpul" - "Lids" hamda "Arsenal" - "Nottingem" kabi translasiya qilinadigan o‘yinlarini tomosh qilish orqali ham bahra olishingiz mumkin.
Eslatib o‘tish kerakki, Jahon chempionatiga qadar yana 3 ta tur bo‘lib o‘tishi rejalangan. Mundialning finalidan 8 kun o‘tib, APL qaytadi va boksing deyga start beriladi.
ISMATOV J.
