"Arsenal"ning sobiq futbolchisi Yan Rayt "Manchester Yunayted" himoyachisi Lisandro Martinesning APLni 14-turda doirasida "Vest Xem" jamoasiga qarshi o‘yini (1:0) haqida o‘z fikrlari bilan o‘rtoqlashdi.
“Lisandro yaxshi himoyaga ega. "Qizil iblislar" safida bunday futbolchini anchadan beri ko‘rmagandim. Martines maydonda joylashishni yaxshi biladi, shuningdek, yaxshi pas beradi. Jamoaga shunday futbolchi kerak edi. Uning transferini muvaffaqiyatli xarid deb hisoblash mumkin. Men uni bunchalik yaxshi deb o‘ylamagandim", — dedi Rayt Metro bilan suhbatda.
24 yoshli argentinalik futbolchi joriy mavsumda APLda 12 ta o‘yinda maydonga tushdi va 3 ta sariq kartochka oldi.
