Huquqlari "Real"ga tegishli bo‘lgan ispaniyalik himoyachi Alvaro Odriosola Italiya chempionatiga qaytishi mumkin. "Fiorentina"ning sobiq futbolchisiga "Yuventus" va "Milan" klublari qiziqish bildirmoqda. Bu haqda Tuttomercatoweb xabar berdi.

Manbaga ko‘ra, "qaymoqranglilar" bosh murabbiyi Karlo Anchelotti o‘z tarkibidan 26 yoshli Odriosola uchun joy ko‘rmayapti, shuning uchun ular himoyachi bilan xayrlashishga tayyor.

Odriosola 2018 yilda "Real Madrid" safiga kelib qo‘shilgan edi, biroq o‘shandan beri jamoa safida bor-yo‘g‘i 43 ta o‘yinda maydonga tushib, 3 ta gol urdi va 10 ta golli uzatmani amalga oshirdi. Alvaro shuningdek, "Bavariya" va "Fiorentina"ga ham ijaraga yuborilgan. Bu mavsumda Odriosola maydonga tushmadi.