Ҳуқуқлари "Реал"га тегишли бўлган испаниялик ҳимоячи Альваро Одриосола Италия чемпионатига қайтиши мумкин. "Фиорентина"нинг собиқ футболчисига "Ювентус" ва "Милан" клублари қизиқиш билдирмоқда. Бу ҳақда Tuttomercatoweb хабар берди.
Манбага кўра, "қаймоқранглилар" бош мураббийи Карло Анчелотти ўз таркибидан 26 ёшли Одриосола учун жой кўрмаяпти, шунинг учун улар ҳимоячи билан хайрлашишга тайёр.
Одриосола 2018 йилда "Реал Мадрид" сафига келиб қўшилган эди, бироқ ўшандан бери жамоа сафида бор-йўғи 43 та ўйинда майдонга тушиб, 3 та гол урди ва 10 та голли узатмани амалга оширди. Альваро шунингдек, "Бавария" ва "Фиорентина"га ҳам ижарага юборилган. Бу мавсумда Одриосола майдонга тушмади.