«Roma» hujumchisi Eldor Shomurodov manfaatlarini himoya qilayotgan agent Qahhor Mo‘minov O‘zbekiston va Rossiya terma jamoalari o‘rtasidagi o‘rtoqlik uchrashuvida futbolchi ishtirok etish yoki etmasligi haqidagi savolga javob berdi.
O‘zbekiston va Rossiya terma jamoalari o‘rtasidagi uchrashuv 20 noyabr kuni Toshkentda bo‘lib o‘tadi.
"Hozircha O‘zbekiston terma jamoasi bo‘lajak yig‘in uchun qaydnomani e’lon qilgani yo‘q. Agar Eldor chaqirilsa, Rossiyaga qarshi o‘yinda albatta ishtirok etadi. Italiyada Eldorga Rossiya terma jamoasiga qarshi o‘ynashni hech kim taqiqlamaydi" - deydi Mo‘minov Sport-ekspress nashriga.
Eldor "Roma" safida joriy mavsumda yettita o‘yinda maydonga tushib, bitta gol urdi.
