Kecha, 6 noyabr kuni Ispaniya ayollar Superligasi doirasidagi o‘yin bo‘lib o‘tdi va unda “Barselona” safarda “Real” bilan to‘qnash keldi. Hakamning start hushtagi Toshkent vaqti bilan 22:00 da yangradi.
Uchrashuvning to‘rtinchi daqiqasidayoq mehmonlar hisobni ochishdi – Ana Srnogorchevich gol urdi. Uchrashuvning birinchi bo‘limi yakuniga kelib, 43-daqiqada “ko‘k-anorranglilar” Patri Gixarroning goli evaziga o‘z ustunligini mustahkamladi.
52-daqiqada Aytana Bonmati hisobni yirik ko‘rinishga keltirdi. 81-daqiqada Fridolina Rolfyo o‘yindagi yakuniy natijani o‘rnatdi - 4:0 Kataloniya jamoasi foydasiga.
Ushbu g‘alabadan so‘ng “Barselona” 24 ochko jamg‘arib, Ispaniya chempionatining yuqori pog‘onasini mustahkamlab oldi. 16 ochko jamg‘argan “Real Madrid” turnir jadvalida beshinchi o‘rinda qoldi.
