Кеча, 6 ноябрь куни Испания аёллар Суперлигаси доирасидаги ўйин бўлиб ўтди ва унда “Барселона” сафарда “Реал” билан тўқнаш келди. Ҳакамнинг старт ҳуштаги Тошкент вақти билан 22:00 да янгради.

Учрашувнинг тўртинчи дақиқасидаёқ меҳмонлар ҳисобни очишди – Ана Црногорчевич гол урди. Учрашувнинг биринчи бўлими якунига келиб, 43-дақиқада “кўк-анорранглилар” Патри Гихарронинг голи эвазига ўз устунлигини мустаҳкамлади.

52-дақиқада Айтана Бонмати ҳисобни йирик кўринишга келтирди. 81-дақиқада Фридолина Ролфё ўйиндаги якуний натижани ўрнатди - 4:0 Каталония жамоаси фойдасига.

Ушбу ғалабадан сўнг “Барселона” 24 очко жамғариб, Испания чемпионатининг юқори поғонасини мустаҳкамлаб олди. 16 очко жамғарган “Реал Мадрид” турнир жадвалида бешинчи ўринда қолди.