Ayni kunlarda Birlashgan Arab Amirliklarining Al-Ayn shahrida para o‘q otish bo‘yicha jahon chempionati bo‘lib o‘tmoqda.
E’tiborlisi, erkaklar o‘rtasida 10 metr masofaga pnevmatik topponchadan otish bo‘yicha o‘tkazilgan bahslarda hamyurtimiz Server Ibragimov 213.3 ochko jamg‘argan holda bronza medalini qo‘lga kiritdi.
Birinchi va ikkinchi o‘rinlar esa Janubiy Koreya hamda Polsha vakillariga nasib etdi.
Eslatib o‘tamiz, Server Ibragimov o‘zbekistonlik sportchilar orasida birinchi bo‘lib Parij-2024 o‘yinlariga lisenziyani qo‘lga kiritgan.