Ispaniyalik tennischi, “Katta Dubulg‘a” turkumiga kiruvchi 22 karra chempion va jahonning 2-raqamli Rafael Nadal futbol bo‘yicha 2022 yilgi jahon chempionatida g‘alaba qozonish uchun qaysi jamoalar eng ko‘p imkoniyatga ega ekanligini ma’lum qildi. Turnir Qatarda 20 noyabrdan 18 dekabrga qadar bo‘lib o‘tadi.
"Murakkab savol. Jahon chempionati haqida biror narsani oldindan aytish qiyin. Favoritlar Braziliya, Argentina, Fransiya, Germaniya, Portugaliya va Ispaniya deb aytgan bo‘lardim. Ko‘p o‘yinlar bo‘ladi, lekin bular favoritlar. Garchi har doim kimnidir hayratda qoldirish imkoniyati bo‘lsa ham, - deb Nadalning so‘zlaridan iqtibos keltiradi Sportkeeda.
Fransiya amaldagi jahon chempioni hisoblanadi.
