Iordaniyadagi boks bo‘yicha Osiyo chempionatida bugun erkaklar o‘rtasida yarim final janglari o‘tkazilmoqda. 60 kg. vazndagi vakilimiz Adhamjon Muhiddinov mo‘g‘ulistonlik Bayarxuu Buyandalaiga qarshi ringga ko‘tarildi.

O‘zbek bokschisi birinchi raundni o‘z foydasiga hal qildi. Ikkinchi bo‘limda boshlab raqib faollikni oshirib bordi. 2-raundda hakamlarning uch nafari ustunlikni Bayarxuuga berishgan bo‘lsa, so‘nggi bo‘limda esa barcha hakamlar mo‘g‘ul sportchisining ustunligini e’tirof etishdi. Yakuniy hisob — 1:4 (29:28, 28:29, 28:29, 28:29, 28:29).

Shu tariqa, Muhiddinov Osiyo chempionatida bronza medaliga sazovor bo‘ldi.