"Valyadolid" xo‘jayini, biznesmen va Braziliya terma jamoasining sobiq futbolchisi Ronaldo klubdagi asosiy ulushini sotishni o‘ylamoqda, deb xabar beradi Football Espana.
46 yoshli braziliyalik yurtiga qaytishni istamoqda va buni ikki yildan keyin farzandlari bilan yaqinroq bo‘lishni rejalashtirmoqda. U allaqachon "Kruzeyro"ning ma’lum aksiyalarini sotib olgan.
Ronaldo 2018 yilda klub aksiyalarining 51 foizini 30 million yevroga sotib olgan bo‘lsa, bir yildan so‘ng o‘z ulushini yana 21 foizga oshirdi. Uning "Valyadolid"dagi faoliyati davomida klub byudjeti ikki baravardan ko‘proqqa oshgan. Biroq u o‘z aksiyalarini faqat klubga foyda keltiradiganlarga sotishga tayyor bo‘ladi.
“Valyadolid” ayni damda Ispaniya ikkinchi divizionida uchinchi o‘rinda bormoqda.
