Qishki transfer oynasida "Manchester Siti" sardorini yo‘qotish xavfi ostida - "Barselona" yarim himoyachi Ilkay Gyundoganga qiziqish bildirmoqda. Nemis futbolchisining amaldagi shartnomasi shu mavsum oxirigacha hisoblangan, ya’ni kataloniyaliklar yanvar oyida Gyundoganni arzonlashtirilgan narxda sotib olishga harakat qilishlari mumkin.
"Manchester Siti" bosh murabbiyi Xosep Gvardiola Ilkay Gyundoganga yanvar oyidayoq "Kamp Nou"ga ko‘chib o‘tishiga ruxsat berishga tayyor, deya xabar beradi El Nasional. Manba bergan xabarga ko‘ra, ispaniyalik murabbiy germaniyalik futbolchini sardorlik maqomiga ega bo‘lishiga qaramay, o‘z jamoasining muhim qismi deb hisoblamaydi.
