Қишки трансфер ойнасида "Манчестер Сити" сардорини йўқотиш хавфи остида - "Барселона" ярим ҳимоячи Илкай Гюндоганга қизиқиш билдирмоқда. Немис футболчисининг амалдаги шартномаси шу мавсум охиригача ҳисобланган, яъни каталонияликлар январ ойида Гюндоганни арзонлаштирилган нархда сотиб олишга ҳаракат қилишлари мумкин.

"Манчестер Сити" бош мураббийи Хосеп Гвардиола Илкай Гюндоганга январ ойидаёқ "Камп Ноу"га кўчиб ўтишига рухсат беришга тайёр, дея хабар беради El Nasional. Манба берган хабарга кўра, испаниялик мураббий германиялик футболчини сардорлик мақомига эга бўлишига қарамай, ўз жамоасининг муҳим қисми деб ҳисобламайди.