"PSJ" himoyachisi Serxio Ramos olti kundan keyin Qatarda boshlanadigan 2022 yilgi jahon chempionati uchun Ispaniya terma jamoasining so‘nggi qaydnomasiga kira olmagani haqida fikr bildirdi.
"Jahon chempionati? Albatta, bu men amalga oshirishni istagan katta orzuim edi. Bu mening beshinchi jahon chempionati bo‘lardi, lekin afsuski, uni uyda tomosha qilishim kerak.
Bu qiyin, lekin ertaga ertalab quyosh yana chiqadi. Men o‘zimda hech narsani o‘zgartirmagan bo‘lardim - mening mentalitetimni ham, ishtiyoqni ham, fidoyilikni ham, sa’y-harakatlarni ham, kuniga 24 soat futbol haqida o‘ylaganlarimni ham.
Men shunday his qilyapman va buni siz bilan baham ko‘rmoqchiman. Qo‘llab-quvvatlaganingiz uchun barchangizga rahmat. Oldinda hali ko‘p vazifalar va maqsadlar turibdi. Yaqin orada ko‘rishamiz. Sizga hamma yaxshi narsalarni tilayman. Olg‘a, Ispaniya!", - deb yozgan Ramos.
