"ПСЖ" ҳимоячиси Серхио Рамос олти кундан кейин Қатарда бошланадиган 2022 йилги жаҳон чемпионати учун Испания терма жамоасининг сўнгги қайдномасига кира олмагани ҳақида фикр билдирди.
"Жаҳон чемпионати? Албатта, бу мен амалга оширишни истаган катта орзуим эди. Бу менинг бешинчи жаҳон чемпионати бўларди, лекин афсуски, уни уйда томоша қилишим керак.
Бу қийин, лекин эртага эрталаб қуёш яна чиқади. Мен ўзимда ҳеч нарсани ўзгартирмаган бўлардим - менинг менталитетимни ҳам, иштиёқни ҳам, фидойиликни ҳам, саъй-ҳаракатларни ҳам, кунига 24 соат футбол ҳақида ўйлаганларимни ҳам.
Мен шундай ҳис қиляпман ва буни сиз билан баҳам кўрмоқчиман. Қўллаб-қувватлаганингиз учун барчангизга раҳмат. Олдинда ҳали кўп вазифалар ва мақсадлар турибди. Яқин орада кўришамиз. Сизга ҳамма яхши нарсаларни тилайман. Олға, Испания!", - деб ёзган Рамос.
