O‘zbekiston milliy terma jamoasi ertaga Toshkentda Qozog‘istonga qarshi o‘rtoqlik uchrashuvida ishtirok etadi. Qo‘shnilarimiz ustozi Magomed Adiyev bugun matbuot anjumanida o‘z fikrlari bilan o‘rtoqlashdi.

— Qozog‘iston va O‘zbekiston birodarlar hisoblanadi. Shu sababli ham bu derbi mana shu munosabatlarni mustahkamlaydi. Bu kabi derbilarning ahamiyati katta.

Biz raqibimizni hurmat qilamiz. Ertaga o‘z imkoniyatimizni namoyish etmoqchimiz. Qanday hisob bo‘lishini bilmaymiz. Bu futbol. Lekin ajoyib o‘yin bo‘lishiga ishonamiz.

Qozog‘iston TJ futbolchisi Asxad Tagibergan:

— Bir necha yildan beri endi bir-birimizga qarshi o‘ynash nasib etmoqda. Bu o‘yin ajoyib o‘tishiga ishonamiz. Har bir sportchi o‘zi ishtirok etadigan o‘yinlarda g‘alaba qozonishni xohlaydi. Xususan, ertaga biz ham g‘alaba qozonishni maqsad qilganmiz.

O‘zbekistonda texnik jihatdan yaxshi futbolchilar bor. O‘yinga kelsak, kim g‘alaba qozonishi haqida hammaning o‘z fikri bor. Biz ham o‘z o‘yinimizni namoyish etib, g‘alaba qozonmoqchimiz. Ayta olamanki, ertaga bizni muhim o‘yin kutib turibdi.

Igor Sergeev bilan o‘yin haqida gaplashdik. U kim kuchliroq bo‘lsa, o‘sha g‘alaba qozonishi haqida aytib o‘tdi.