"Yuventus" yarim himoyachisi Adriyen Rabyo o‘tgan yozda Angliya Premyer-ligasi klubiga o‘tish imkoniyati borligini tasdiqladi.
“To‘g‘ri, men Premyer-liga klublari bilan aloqada bo‘lganman, ammo yakunda “Yuventus”da qolishga qaror qildim. Ehtimol, bu eng yaxshi qaror edi.
Hozir bor e’tiborimni jahon chempionatiga qaratganman. Klub ham, men ham shoshayotganimiz yo‘q, biz mutlaqo xotirjammiz, shuning uchun barcha variantlarni ko‘rib chiqishimiz mumkin", - deya fransiyalik futbolchining so‘zlarini keltiradi Football Italia.
Avvalroq, italyan klubi 27 yoshli futbolchiga yangi shartnoma bo‘yicha taklif bilan chiqqani va bu taklif rad etilgani ma’lum bo‘lgandi. Futbolchining “keksa sinyora” bilan amaldagi shartnomasi joriy mavsum oxirigacha hisoblangan.
Transfermarkt portali futbolchining narxini 17 million yevroga baholamoqda.
