"Ювентус" ярим ҳимоячиси Адриен Рабьо ўтган ёзда Англия Премьер-лигаси клубига ўтиш имконияти борлигини тасдиқлади.
“Тўғри, мен Премьер-лига клублари билан алоқада бўлганман, аммо якунда “Ювентус”да қолишга қарор қилдим. Эҳтимол, бу энг яхши қарор эди.
Ҳозир бор эътиборимни жаҳон чемпионатига қаратганман. Клуб ҳам, мен ҳам шошаётганимиз йўқ, биз мутлақо хотиржаммиз, шунинг учун барча вариантларни кўриб чиқишимиз мумкин", - дея франциялик футболчининг сўзларини келтиради Football Italia.
Аввалроқ, итальян клуби 27 ёшли футболчига янги шартнома бўйича таклиф билан чиққани ва бу таклиф рад этилгани маълум бўлганди. Футболчининг “кекса синьора” билан амалдаги шартномаси жорий мавсум охиригача ҳисобланган.
Transfermarkt портали футболчининг нархини 17 миллион еврога баҳоламоқда.
