ESPN jurnalistlari shu dam olish kunlari Qatarda boshlanadigan 2022 yilgi jahon chempionatining eng yaxshi yulduz futbolchilari reytingini tuzib chiqdi.
Xorij OAVning yozishicha, turnirning eng yaxshi futbolchisi fransiyalik hujumchi Kilian Mbappe hisoblanadi.
Reytingda ikkinchi o‘rinni uning hamyurti Karim Benzema egalladi. Kuchli uchlikni Belgiya terma jamoasi yarim himoyachisi Kevin de Bryuyne yakunladi.
Argentina terma jamoasi hujumchisi Lionel Messi to‘rtinchi, Polsha terma jamoasining eng yaxshi to‘purari Robert Levandovski esa beshinchi o‘rinni egallab turibdi.
Faoliyatida qiyin davrni boshdan kechirayotgan portugaliyalik Krishtianu Ronaldu bor-yo‘g‘i 20-o‘rinni qo‘lga kiritgan.