"Milan" va Braziliya terma jamoasining sobiq hujumchisi Aleshandro Pato klubini almashtirishga qaror qildi.
Futbolchi "Orlando Siti"ni tark etishini ma’lum qildi. 33 yoshli braziliyalik futbolchi faoliyatini qayerda davom ettirish borasida hali qarorga kelmagan.

“Bu mening qalbimda abadiy saqlanib qolgan hikoya. Men bilan birga bo‘lgan barcha muxlislarga rahmat. Men "Orlando" muxlisi bo‘lib qolaman", - deya futbolchining so‘zlarini keltiradi Tuttosport.

Pato "Orlando" klubida 2021 yildan beri to‘p suradi. MLSga qadar hujumchi "Chelsi", "Milan", "Vilyarreal" klublarida o‘ynagan. Shuningdek, u Braziliya terma jamoasi safida 27 ta o‘yin o‘tkazib, 10 ta gol urgan.

Braziliyalik futbolchi ushbu mavsumda "Orlando" safida barcha turnirlarda 27 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt portaliga ko‘ra futbolchining narxi 1 million yevroga baholanmoqda.