Turinning “Yuventus” klubining braziliyalik hujumchisi Kayo Jorje qishki transferlar vaqtida klubni tark etishi mumkin, deya xabar beradi Football Italia.
Manbaning xabariga ko‘ra, Italiya klubi futbolchini ijaraga berishga tayyor, chunki uning asosiy tarkibdagi o‘rin uchun kurashda g‘alaba qozonish imkoniyati kam. Braziliyalik futbolchi joriy mavsumda jarohat sabab birorta ham o‘yin o‘tkazmadi.
20 yoshli Kayo 2021 yilning yozida "Santos"dan uch million yevro evaziga "Yuventus"ga o‘tgan edi. Turinliklar safida u jami 11 ta o‘yin o‘tkazdi va samarali harakatlari bilan ajralib turmadi. Uning klub bilan shartnomasi 2026 yilning yoziga qadar mo‘ljallangan.