Туриннинг “Ювентус” клубининг бразилиялик ҳужумчиси Кайо Жорже қишки трансферлар вақтида клубни тарк этиши мумкин, дея хабар беради Football Italia.
Манбанинг хабарига кўра, Италия клуби футболчини ижарага беришга тайёр, чунки унинг асосий таркибдаги ўрин учун курашда ғалаба қозониш имконияти кам. Бразилиялик футболчи жорий мавсумда жароҳат сабаб бирорта ҳам ўйин ўтказмади.
20 ёшли Кайо 2021 йилнинг ёзида "Сантос"дан уч миллион евро эвазига "Ювентус"га ўтган эди. Туринликлар сафида у жами 11 та ўйин ўтказди ва самарали ҳаракатлари билан ажралиб турмади. Унинг клуб билан шартномаси 2026 йилнинг ёзига қадар мўлжалланган.