O‘zbekiston milliy terma jamoasi bosh murabbiyi Srechko Katanes klubsiz qolgan Oston O‘runovning bosh jamoaga chorlovi, shuningdek, "Nijniy Novgorod" himoyachisi Ibrohimxalil Yuldoshevning terma jamoa safida yo‘qligi haqida fikr bildirdi.
“Yuldoshev terma jamoaga chaqirilishi uchun yaxshiroq o‘ynashi kerak. U yosh, o‘sishda davom etsa terma jamoaga chaqiriladi.
Murabbiy terma jamoada klubi yo‘q futbolchini qo‘llashi kamdan-kam uchraydi, lekin O‘runovda katta salohiyat, menga kerak bo‘lgan yaxshi mahorat bor. Qolaversa, u markazda ham, qanotlarda ham hujumda o‘ynay oladi. Bu universal, bu katta plyus, shuning uchun men undan foydalandim", - deya Katanesning so‘zlaridan iqtibos keltirmoqda Sport24 muxbiri Mixail Tyapkov.
Ertaga, 20 noyabr kuni Toshkentda O‘zbekiston va Rossiya terma jamoalari o‘rtasida o‘rtoqlik uchrashuvi bo‘lib o‘tadi.
