Ўзбекистон миллий терма жамоаси бош мураббийи Сречко Катанец клубсиз қолган Остон Ўруновнинг бош жамоага чорлови, шунингдек, "Нижний Новгород" ҳимоячиси Иброҳимхалил Юлдошевнинг терма жамоа сафида йўқлиги ҳақида фикр билдирди.
“Юлдошев терма жамоага чақирилиши учун яхшироқ ўйнаши керак. У ёш, ўсишда давом этса терма жамоага чақирилади.
Мураббий терма жамоада клуби йўқ футболчини қўллаши камдан-кам учрайди, лекин Ўруновда катта салоҳият, менга керак бўлган яхши маҳорат бор. Қолаверса, у марказда ҳам, қанотларда ҳам ҳужумда ўйнай олади. Бу универсал, бу катта плюс, шунинг учун мен ундан фойдаландим", - дея Катанецнинг сўзларидан иқтибос келтирмоқда Спорт24 мухбири Михаил Тяпков.
Эртага, 20 ноябрь куни Тошкентда Ўзбекистон ва Россия терма жамоалари ўртасида ўртоқлик учрашуви бўлиб ўтади.
