Fransiya terma jamoasi hujumchisi Karim Benzema Qatarda bo‘lib o‘tadigan JCH-2022da ishtirok etishiga to‘sqinlik qiladigan jarohati haqida fikr bildirdi.
"Hayotimda hech qachon taslim bo‘lmaganman, lekin bugun men har doimgidek jamoa haqida o‘ylashim kerak. Aqlim o‘z o‘rnimni jamoamizga yaxshi turnir o‘tkazishiga yordam bera oladigan kishiga topshirishimni aytmoqda. Barcha qo‘llab-quvvatlagan xabarlaringiz uchun rahmat”, — deb yozdi Benzema ijtimoiy tarmoqda.
34 yoshli fransiyalik futbolchiga chap son mushaklari jarohati tashxisi qo‘yilgan, bu esa futbolchining JCH-2022da ishtirok etishiga imkon bermaydi.
Fransiya “D” guruhida Avstraliya (22 noyabr), Daniya (26 noyabr) va Tunis (30 noyabr) bilan kuch sinashadi.
