Франция терма жамоаси ҳужумчиси Карим Бензема Қатарда бўлиб ўтадиган ЖЧ-2022да иштирок этишига тўсқинлик қиладиган жароҳати ҳақида фикр билдирди.
"Ҳаётимда ҳеч қачон таслим бўлмаганман, лекин бугун мен ҳар доимгидек жамоа ҳақида ўйлашим керак. Ақлим ўз ўрнимни жамоамизга яхши турнир ўтказишига ёрдам бера оладиган кишига топширишимни айтмоқда. Барча қўллаб-қувватлаган хабарларингиз учун раҳмат”, — деб ёзди Бензема ижтимоий тармоқда.
34 ёшли франциялик футболчига чап сон мушаклари жароҳати ташхиси қўйилган, бу эса футболчининг ЖЧ-2022да иштирок этишига имкон бермайди.
Франция “D” гуруҳида Австралия (22 ноябрь), Дания (26 ноябрь) ва Тунис (30 ноябрь) билан куч синашади.
