Karim Benzemaning tiklanish vaqti ma’lum bo‘ldi.
Avvalroq Fransiya terma jamoasi hujumchisi mashg‘ulotlarda olgan jarohati tufayli Qatarda bo‘lib o‘tadigan jahon chempionatini o‘tkazib yuborishini ma’lum qilgandi.
Fransiya futbol federasiyasi saytida e’lon qilingan xabarga ko‘ra, Benzema Dohadagi shifoxonalardan birida MRT tekshiruvidan o‘tgan, natijada son suyagi jarohati aniqlangan. Ma’lum qilinishicha, ushbu jarohatni tiklash uch hafta davom etadi.
Joriy mavsumda "Oltin to‘p" sohibi "Real Madrid" safida La Ligada 7 ta o‘yinda maydonga tushib, 5 ta gol urdi.
