Карим Бенземанинг тикланиш вақти маълум бўлди.
Аввалроқ Франция терма жамоаси ҳужумчиси машғулотларда олган жароҳати туфайли Қатарда бўлиб ўтадиган жаҳон чемпионатини ўтказиб юборишини маълум қилганди.
Франция футбол федерацияси сайтида эълон қилинган хабарга кўра, Бензема Доҳадаги шифохоналардан бирида МРТ текширувидан ўтган, натижада сон суяги жароҳати аниқланган. Маълум қилинишича, ушбу жароҳатни тиклаш уч ҳафта давом этади.
Жорий мавсумда "Олтин тўп" соҳиби "Реал Мадрид" сафида Ла Лигада 7 та ўйинда майдонга тушиб, 5 та гол урди.
