Marokash terma jamoasi bosh murabbiyi Valid Regragi jamoasining kuchi haqida o‘z fikrlari bilan o‘rtoqlashdi.
Marokashliklar kutilmaganda Belgiya terma jamoasini mag‘lub etishdi (2:0), Qatar mundialining pley-off bosqichiga chiqish imkoniyatlarini sezilarli darajada oshirdi.
«Biz juda hamjihatlik bilan harakat qildik va bizda o‘z kuchimizga ishonish uchun yetarlicha sifatli tarkib bor.
Bu yerda biz haqiqatan ham jiddiy narsaga erishishimiz mumkin. Men bizda ajoyib jamoa bor deb aytmayapman, lekin bizni mag‘lub etish oson bo‘lmaydi, chunki bizning yaxshi shakllangan tizimimiz ishlayapti», dedi Regragi ikkinchi turdagi g‘alabadan keyin o‘tkazilgan matbuot anjumanida.
Guruh bosqichining so‘nggi o‘yinida marokashliklar Kanada terma jamoasiga qarshi maydonga tushadi. Uchrashuv 1 dekabr kuni bo‘lib o‘tadi.
