"Milan" yarim himoyachisida faoliyatini davom ettirish uchun bir nechta variant bor. Londonning “Chelsi” klubidan ijaraga olingan yarim himoyachi “rossonerilar”da doimiy qolishi dargumon, ammo shunga qaramay, unga boshqa klublardan takliflar bor. Bu haqda Italiyaning La Gazzetta dello Sport nashri xabar bermoqda.

Manbaga ko‘ra, Bakayoko yanvar oyidagi transfer oynasida klubini o‘zgartirishi mumkin, biroq futbolchi o‘yin amaliyoti kam bo‘lishiga qaramay, mavsum oxirigacha "Milan"da qolmoqchi.

Bakayoko xizmatlariga qiziqayotgan klublar nomi hozircha oshkor etilmagan. Avvalroq, "Valensiya" bosh murabbiyi Jennaro Gattuzo uni "ko‘rshapalaklar" tarkibida ko‘rishga qarshi emasligini aytgan edi.