"Милан" ярим ҳимоячисида фаолиятини давом эттириш учун бир нечта вариант бор. Лондоннинг “Челси” клубидан ижарага олинган ярим ҳимоячи “россонерилар”да доимий қолиши даргумон, аммо шунга қарамай, унга бошқа клублардан таклифлар бор. Бу ҳақда Италиянинг La Gazzetta dello Sport нашри хабар бермоқда.
Манбага кўра, Бакайоко январ ойидаги трансфер ойнасида клубини ўзгартириши мумкин, бироқ футболчи ўйин амалиёти кам бўлишига қарамай, мавсум охиригача "Милан"да қолмоқчи.
Бакайоко хизматларига қизиқаётган клублар номи ҳозирча ошкор этилмаган. Аввалроқ, "Валенсия" бош мураббийи Женнаро Гаттузо уни "кўршапалаклар" таркибида кўришга қарши эмаслигини айтган эди.
