Yaponiya va Xorvatiya terma jamoalari Qatarda bo‘lib o‘tayotgan jahon chempionatining 1/8 final bosqichi doirasida o‘zaro to‘qnash kelishdi va penaltilar seriyasida Xorvatiya 3:1 hisobida g‘alaba qozondi. Angliya terma jamoasining sobiq to‘purari Alan Shirer natijani mantiqiy deb hisoblaydi.
"Tajriba o‘z so‘zini aytdi. Gol urganlar shunday vaziyatda bosimni qanday olib tashlashni bilishardi. Yaponlar esa durangdan keyin ham penaltilar seriyasi borligini umuman bilmaganga o‘xshaydi. O‘ylashimcha, uchala penaltini noaniq amalga oshirgan futbolchilar qo‘rqib ketdi, ularning har biri zaif zarba berishdi", - dedi Shirer BBC One bilan suhbatda.
