Butsa, futbolka va liboslarni esdan chiqara turing. Bugun oyoq himoyasida ishlatiladigan "shit" haqida gaplashamiz. Angliya, Ispaniya, Germaniya va Braziliya kabi davlatlar sharafini himoya qilayotgan yulduzlar, o‘z millati, oilalari va klublariga bag‘ishlangan maxsus dizayndagi oyoqqalqondan foydalanmoqda. O‘tmishda, masalan, Ronalduning o‘zi va rafiqasi rasmi tushirilgan himoya vositasidan foydalanganini ko‘rganmiz. Quyida shu haqida gap boradi.

Bukayo Saka

Bukayo Sakaning "birinchi muhabbati", shubhasiz, "Arsenal"dir. Allaqachon uchta gol urishga ulgurgan Angliya hujumchisi oyog‘ida "Arsenal" ramzi tushirilgan himoya vositasini taqib olgan. Uning ustida yettinchi raqam yozilgan. Albatta, bu ramzni Sakaning terma jamoadagi sheriklari bo‘lgan Keyn va Dayer ko‘rishni istamagan bo‘lardi.

Rafinya

Kamerunga qarshi o‘yinda zaxiraga olingan Rafinya, o‘rindiqda oyog‘ini ko‘rsatadi. Unda futbolchining o‘z rasmi tushirilgan edi. U Braziliya terma jamoasi libosida. Himoya vositasi tepasiga esa portugal tilida "Kubokni o‘z uyiga keltiringlar" deb yozilgan.

Dani Karvaxal

Ispaniya kutilmaganda Marokashga yutqazib qo‘ygan edi. Bu hodisa jamoa a’zosi bo‘lgan Karvaxalga ham yomon ta’sir qilgan aniq. Ammo himoyachi o‘z vatanini sevadi. Uning oyoqqalqonida o‘z rasmi tushirilgan bo‘lib, unda "Real" va milliy terma jamoa libosida tasvirlangan.

Yussufa Mukoko

18 yoshli "Borussiya Dortmund" hujumchisi Germaniya o‘z uyiga qaytishidan oldin faqat bir marta maydonga tushirilgandi. Mukoko foydalangan oyoqqalqonda uning "BVB" libosida tushgan animasion rasmi bor. Uning ustiga esa ingliz tilida "Sizni yaxshi ko‘raman onajon" deb yozilgan.

Garet Beyl

Uelsning afsonaviy futbolchilaridan biri bo‘lgan Beyl ortiqcha zebni yoqtirmaydi. Shundayin, uning oyoqqalqoni ham oddiy. Unda mamlakat bayrog‘i ramzi tushirilgan.

ISMATOV J.