Madridning "Atletiko" klubi qishki transfer oynasi arafasida o‘zining yulduz futbolchisi Joau Feliks bilan xayrlashishni rejalashtirmoqda. Relevo nashri xabariga ko‘ra, "matraschilar" 23 yoshli futbolchi uchun 140 million yevro narx belgilashdi.

Qayd etilishicha, Joauning o‘zi faqat top-klubga o‘tishni xohlaydi. Futbolchini qo‘lga kiritish uchun da’vogarlar orasida "PSJ", "Arsenal", "Bavariya" va "Chelsi" bor. Shu bilan birga, aynan Parij klubi Feliksni faoliyatining eng katta davomi sifatida ko‘rilmoqda, chunki futbolchining agenti Jorje Mendesh oktyabr oyida dastlabki muzokaralarni boshlagan edi.

Portugaliyalik hujumchi "matraschilar" safiga 2019 yilning yozida, Lissabonning "Benfika" klubidan 127 million evro evaziga o‘tgan edi. Joriy mavsumda Madrid jamoasi futbolchisi barcha turnirlarda 18 ta o‘yin o‘tkazib, 4 ta gol urdi va 3 ta golli uzatmani amalga oshirdi.