Мадриднинг "Атлетико" клуби қишки трансфер ойнаси арафасида ўзининг юлдуз футболчиси Жоау Феликс билан хайрлашишни режалаштирмоқда. Relevo нашри хабарига кўра, "матрасчилар" 23 ёшли футболчи учун 140 миллион евро нарх белгилашди.
Қайд этилишича, Жоаунинг ўзи фақат топ-клубга ўтишни хоҳлайди. Футболчини қўлга киритиш учун даъвогарлар орасида "ПСЖ", "Арсенал", "Бавария" ва "Челси" бор. Шу билан бирга, айнан Париж клуби Феликсни фаолиятининг энг катта давоми сифатида кўрилмоқда, чунки футболчининг агенти Жорже Мендеш октябрь ойида дастлабки музокараларни бошлаган эди.
Португалиялик ҳужумчи "матрасчилар" сафига 2019 йилнинг ёзида, Лиссабоннинг "Бенфика" клубидан 127 миллион эвро эвазига ўтган эди. Жорий мавсумда Мадрид жамоаси футболчиси барча турнирларда 18 та ўйин ўтказиб, 4 та гол урди ва 3 та голли узатмани амалга оширди.
