Portugaliyalik hujumchi Krishtianu Ronalduning rafiqasi Jorjina Rodriges terma jamoa bosh murabbiyi Fernandu Santushni JCH-2022 chorak finalida Marokashga qarshi bahsda erini zaxirada qoldirganini tanqid qildi.
"Murabbiy bugun noto‘g‘ri qaror qabul qildi. Lekin u hamisha Krishtianuga qoyil qoldi. U Ronaldu zaxiradan maydonga tushganida o‘yin qanday o‘zgarganini ko‘rdi, lekin kech edi. Dunyoning eng yaxshi futbolchisini bunday baholab bo‘lmaydi. Ronaldu - eng kuchli qurol. Hayot bizga saboq beradi. Bu safar yutqazmadik, o‘rgandik. Krishtianu, biz senga qoyil qolamiz", - deb post qoldirdi Rodriges ijtimoiy tarmoqda.
Portugaliya Marokashga 0:1 hisobida imkoniyatni boy berdi. Ronaldu ikkinchi bo‘limda maydonga tushdi, ammo gol urmadi.
