Maurisio Pochettino Garet Sautgeytning o‘rnini egallash uchun taklif etilgan bir nechta nomzodlardan biri sanaladi. Ayni damda ingliz mutaxassisi Jahon chempionatining chorak finalidagi mag‘lubiyatdan keyin o‘z ish joyini tark etish bo‘sag‘asida turibdi. Uning o‘rniga Tomas Tuxel yoki Maurisio Pochettino taklif etishili mumkin. Sobiq "Tottenxem" bosh murabbiyi "PSJ"dan ketgandan beri ishsiz yuribdi. Agarda Sautgeyt o‘rni aynan Pochettino bilan to‘ldirilsa, nima bo‘ladi? Quyida shu haqida gap boradi.
Avvalo, arentinalik murabbiyning jamoaga kelishi, ko‘p narsani, xususan, "Tottenxem" futbolchilarining soni oshishini anglatadi. Agar shunday bo‘lsa, tarkib qanday ko‘rinish olishini taxmin qilib ko‘ramiz. Avvalo, jamoa taktikasi 4-2-3-1ga moslashtiriladi. Jamoa hujumida esa hozirda 33 yoshli, to‘rt yildan keyin 37ga kiradigan Xarri Keyn bo‘ladi. Ha, hozir ham Angliyada yaxshi futbolchilar bor. Lekin ular ichida Keyn yaqqol ajralib turadi. Darvoza sohasiga Pochettino Aron Remzdeylni tanlaydi. Negaki, u Pikforddan yoshroq va oyog‘i bilan yaxshi o‘ynaydi. Pochettino qanot himoyachilarini doimo hujumkor bo‘lishini xohlagan. Shu nuqtayi nazardan uning tanlovi o‘ng uchun Ris Jeyms bo‘ladi. Chap qanotga Rayan Sessenyon qo‘yiladi. U 2019 yilda Pechettino tomonidan "shporlar" safiga olib kelingandi. 4 yil ichida bu futbolchi ham ancha o‘sishga erishsa kerak. Markaziy himoyada hozirgi Maguayr va Stounz u paytga borib, o‘zining darajasini yo‘qotgan bo‘ladi. Shu sababli ularning joyi Mark Gexi va Fikayo Tomoriga beriladi. Tayanch yarim himoyasiga yoshlari 23 va 19ga teng bo‘lgan Deklan Rays va Jyud Bellingem qo‘yiladi. Hujum chizig‘i: qanotning o‘ng tomoni Bukayr Saka tomonidan bezaladi. Uning darajasi shu zaylda oshib borishi taxmin qilingan. Chapda esa hozirda "PSV" safida harakat qilayotgan Noni Madueke harakat qiladi. Ha, u aynan Reshford va Sanchodan ustun qo‘yildi. Fil Foden markazda hujumdagi Xarri Keynga ko‘mak beradi.
Aytgancha, Madueke allaqachon "Manchester Yunayted" e’tiboriga tushishga ulgurgan. Tez orada u o‘z vataniga qaytsa kerak.
Demak, asosiy tarkib quyidagicha ko‘rinish oldi:
Darvozabon: Aron Remsdeyl;
Himoyachilar: Tomori, Gexi, Jeyms, Sessenyon;
Tayanch y/h: Bellingem, Rays;
Hujumkor chiziq: Saka, Foden, Madueke;
Hujumda: Xarri Keyn.
Bosh murabbiy – Pochettino.
ISMATOV J.
