Fransiyalik yarim himoyachi Aureliyen Tchuameni jamoadoshi Kilian Mbappening Marokashga (2:0) qarshi jahon chempionati yarim finalidagi o‘yini haqida gapirdi.

Tchuamenining so‘zlariga ko‘ra, 23 yoshli hujumchi afrikkaliklarga qarshi o‘yinda avvalgi uchrashuvlardagidek yorqin o‘yin ko‘rsata olmaganiga qaramay, Fransiya termasi uchun juda foydali o‘ynadi.

"Menimcha, u yaxshi o‘ynadi. U bizga maydonda juda ko‘p yordam beradi va biz Mbappe raqib uchun xavf tug‘dirayotganini bilamiz", - dedi Tchuameni PSG Talk bilan suhbatda.

Eslatib o‘tamiz, joriy mundialning oltita o‘yinida Mbappe beshta gol urdi va ikkita golli uzatmani amalga oshirdi. Finalda Fransiya Argentina bilan kuch sinashadi. Ushbu o‘yin 18 dekabr kuni Toshkent vaqti bilan soat 20:00da boshlanadi.