Франциялик ярим ҳимоячи Аурелиен Тчуамени жамоадоши Килиан Мбаппенинг Марокашга (2:0) қарши жаҳон чемпионати ярим финалидаги ўйини ҳақида гапирди.

Тчуаменининг сўзларига кўра, 23 ёшли ҳужумчи африккаликларга қарши ўйинда аввалги учрашувлардагидек ёрқин ўйин кўрсата олмаганига қарамай, Франция термаси учун жуда фойдали ўйнади.

"Менимча, у яхши ўйнади. У бизга майдонда жуда кўп ёрдам беради ва биз Мбаппе рақиб учун хавф туғдираётганини биламиз", - деди Тчуамени PSG Talk билан суҳбатда.

Эслатиб ўтамиз, жорий мундиалнинг олтита ўйинида Мбаппе бешта гол урди ва иккита голли узатмани амалга оширди. Финалда Франция Аргентина билан куч синашади. Ушбу ўйин 18 декабрь куни Тошкент вақти билан соат 20:00да бошланади.