"Aston Villa" yarim himoyachisi Filippe Koutinyo qishki transferlar vaqtida jamoani tark etmoqchi.
Sport.es xabariga ko‘ra, 30 yoshli futbolchi jamoaning yangi bosh murabbiyi Unai Emeri bilan munosabatlari yomonlashgan.
Braziliyalik futbolchining agentlari allaqachon yangi klub qidirishni boshlab yuborishgan. Hozirda Koutinyo transferi bilan “Korintians” qiziqmoqda – jamoa rahbariyati kelishuv murakkab bo‘lishi mumkinligini tushunadi, biroq xo‘jayinlar 2021 yilda “Arsenal”dan Villianni qo‘lga kiritish bo‘yicha muvaffaqiyatli tajribaga ishonadilar.
Filippening ijarasi ham bundan mustasno emas. Agar to‘liq transfer bo‘lsa, u holda summaning 50 foizini "Barselona" olishi mumkin - buning uchun shartnoma qiymati kamida 20 million yevro bo‘lishi kerak.