"PSJ" va Marokash terma jamoasi himoyachisi Ashraf Hakimiy FIFA prezidenti Janni Infantinodan uzr so‘radi.
Jahon chempionatida 3-o‘rin uchun kechgan o‘yinda Xorvatiyaga 1:2 hisobida imkoniyatni boy berganidan so‘ng, 24 yoshli futbolchi FIFA prezidenti Janni Infantino bilan munozaraga kirishdi. Ma’lum bo‘lishicha, Hakimiy shveysariyalik funksionerni marokashliklarning jahon chempionati medallarini qo‘lga kiritishini istamaganlikda ayblab, haqorat qilgan. Keyinchalik jurnalistlar bilan suhbatda Hakimiy Ifantinoga qarshi so‘zlariga izoh berdi.
“Hech narsa bo‘lmadi. O‘yin tugaganidan keyin jahlim chiqdi. Men u bilan gaplashgani bordim, lekin keyin so‘zlarim uchun kechirim so‘radim. Biz do‘stmiz va men uni juda hurmat qilaman, shuning uchun hech narsa bo‘lmadi", - deya Hakimiyning so‘zlarini keltiradi Goal.com
