"ПСЖ" ва Марокаш терма жамоаси ҳимоячиси Ашраф Ҳакимий ФИФА президенти Жанни Инфантинодан узр сўради.
Жаҳон чемпионатида 3-ўрин учун кечган ўйинда Хорватияга 1:2 ҳисобида имкониятни бой берганидан сўнг, 24 ёшли футболчи ФИФА президенти Жанни Инфантино билан мунозарага киришди. Маълум бўлишича, Ҳакимий швейцариялик функционерни марокашликларнинг жаҳон чемпионати медалларини қўлга киритишини истамаганликда айблаб, ҳақорат қилган. Кейинчалик журналистлар билан суҳбатда Ҳакимий Ифантинога қарши сўзларига изоҳ берди.
“Ҳеч нарса бўлмади. Ўйин тугаганидан кейин жаҳлим чиқди. Мен у билан гаплашгани бордим, лекин кейин сўзларим учун кечирим сўрадим. Биз дўстмиз ва мен уни жуда ҳурмат қиламан, шунинг учун ҳеч нарса бўлмади", - дея Ҳакимийнинг сўзларини келтиради Goal.com
