"PSJ" yarim himoyachisi Marko Verratti kecha Fransiya terma jamoasi bilan jahon chempionati finalida mag‘lub bo‘lgan jamoadoshi Kilian Mbappeni qo‘llab-quvvatladi.

Eslatib o‘tamiz, Didye Desham shogirdlari Argentinaga hal qiluvchi o‘yinda penaltilar seriyasida mag‘lub bo‘lgandi.

“Boshingni baland tut, Kilian. Sen butun dunyoga haqiqiy fenomen ekanligingni ko‘rsatding", — deb yozdi Verratti ijtimoiy tarmoqdagi sahifasida.

Eslatib o‘tamiz, Mbappe mundialda 8 ta gol urib, turnir to‘purariga aylangandi. Argentinaga qarshi final o‘yinida u 120 daqiqa ichida xet-trik qayd etdi, ammo bu g‘alaba uchun yetarli bo‘lmadi.