"ПСЖ" ярим ҳимоячиси Марко Верратти кеча Франция терма жамоаси билан жаҳон чемпионати финалида мағлуб бўлган жамоадоши Килиан Мбаппени қўллаб-қувватлади.
Эслатиб ўтамиз, Дидье Дешам шогирдлари Аргентинага ҳал қилувчи ўйинда пенальтилар сериясида мағлуб бўлганди.
“Бошингни баланд тут, Килиан. Сен бутун дунёга ҳақиқий феномен эканлигингни кўрсатдинг", — деб ёзди Верратти ижтимоий тармоқдаги саҳифасида.
Эслатиб ўтамиз, Мбаппе мундиалда 8 та гол уриб, турнир тўпурарига айланганди. Аргентинага қарши финал ўйинида у 120 дақиқа ичида хет-трик қайд этди, аммо бу ғалаба учун етарли бўлмади.
