"Napoli" va Italiya terma jamoasi darvozaboni Aleks Meret Argentina terma jamoasining Qatarda bo‘lib o‘tgan 2022 yilgi jahon chempionatidagi g‘alabasidan keyin o‘z his-tuyg‘ulari bilan o‘rtoqlashdi.
“Kecha men final uchrashuvini tomosha qildim. Argentina ajoyib g‘alabaga erishdi. Menimcha, ular bunga loyiq. Ular butun turnir davomida ajoyib o‘yin ko‘rsatishdi", - deya Meret so‘zlaridan iqtibos keltiradi Sky Sports.
JCH-2022 finalida Argentina terma jamoasi Fransiyani mag‘lub etdi (3:3, penaltilar seriyasida – 4:2).
Argentina terma jamoasi uchinchi marta jahon chempioni bo‘ldi. Avvalroq, argentinaliklar 1978 va 1986 yillarda ushbu turnirda g‘olib chiqishgan.
