Madridning “Real” klubi va Fransiya terma jamoasi yarim himoyachisi Orelyen Tchuameni JCH-2022 finalida Argentinaga qarshi o‘yinda (3:3, 2:4) penaltilar seriyasidagi zarbani golga aylantira olmagani uchun muxlislardan uzr so‘radi.

“Umidsizlik va achchiqlanishdan xalos bo‘lish uchun vaqt kerak bo‘ladi. Biz qo‘limizdan kelganini qildik. Men mas’uliyatni o‘z zimmamga oldim, bu ish bermadi va men birinchi bo‘lib kechirim so‘radim. Ishonchim komilki, Fransiya terma jamoasining kelajagi porloq, ayniqsa siz, muxlislarga umid bog‘lasak”, — deb yozdi Tchuameni Twitter sahifasida.

Penaltilar seriyasida argentinaliklar 11 metrlik to‘rtta zarbaning barchasini aniq amalga oshirishdi, fransuzlardan esa Tchuamenidan tashqari Kingsli Koman ham noaniq zarba yo‘lladi.