Мадриднинг “Реал” клуби ва Франция терма жамоаси ярим ҳимоячиси Орельен Тчуамени ЖЧ-2022 финалида Аргентинага қарши ўйинда (3:3, 2:4) пенальтилар сериясидаги зарбани голга айлантира олмагани учун мухлислардан узр сўради.
“Умидсизлик ва аччиқланишдан халос бўлиш учун вақт керак бўлади. Биз қўлимиздан келганини қилдик. Мен масъулиятни ўз зиммамга олдим, бу иш бермади ва мен биринчи бўлиб кечирим сўрадим. Ишончим комилки, Франция терма жамоасининг келажаги порлоқ, айниқса сиз, мухлисларга умид боғласак”, — деб ёзди Тчуамени Twitter саҳифасида.
Пенальтилар сериясида аргентиналиклар 11 метрлик тўртта зарбанинг барчасини аниқ амалга оширишди, французлардан эса Тчуаменидан ташқари Кингсли Коман ҳам ноаниқ зарба йўллади.
