“Arsenal” va “Lids” “Atletiko” hujumchisi Mateus Kunyaga qiziqish bildirmoqda, deya xabar beradi Goal.
Manba bergan xabarga ko‘ra, har ikki klub ham 23 yoshli braziliyalik uchun kurashga qo‘shilgan va uning agenti bilan bog‘lanishgan.
"Chelsi", "Vulverxempton" va "Aston Villa" ham futbolchiga da’vogarlik qilmoqda. Futbolchining o‘zi faoliyatini Angliyada davom ettirishdan manfaatdor.
Kunya "Atletiko Madrid"da 2021 yilning avgustidan beri to‘p suradi. 2022/23 yilgi mavsumda u madridliklar safida 17 ta o‘yinda qatnashib, jami 510 daqiqa maydonda o‘tkazdi va 2 ta golli uzatmani amalga oshirdi. Transfermarkt.com portali hujumchining narxini 20 million yevroga baholamoqda.