“Арсенал” ва “Лидс” “Атлетико” ҳужумчиси Матеус Куньяга қизиқиш билдирмоқда, дея хабар беради Goal.
Манба берган хабарга кўра, ҳар икки клуб ҳам 23 ёшли бразилиялик учун курашга қўшилган ва унинг агенти билан боғланишган.
"Челси", "Вулверхэмптон" ва "Астон Вилла" ҳам футболчига даъвогарлик қилмоқда. Футболчининг ўзи фаолиятини Англияда давом эттиришдан манфаатдор.
Кунья "Атлетико Мадрид"да 2021 йилнинг августидан бери тўп суради. 2022/23 йилги мавсумда у мадридликлар сафида 17 та ўйинда қатнашиб, жами 510 дақиқа майдонда ўтказди ва 2 та голли узатмани амалга оширди. Transfermarkt.com портали ҳужумчининг нархини 20 миллион еврога баҳоламоқда.
