"Arsenal"ning sobiq himoyachisi Nayjel Uinterbern ingliz klubiga murojaat qilib, 37 yoshli hujumchi Krishtianu Ronalduni sotib olishdan ogohlantirdi.

"Men bunday o‘tishni bitta oddiy sababga ko‘ra ma’qullamagan bo‘lardim: bu qisqa muddatli harakat bo‘ladi. Ko‘pchilik: Bu juda zo‘r, buni qilaylik, deyishi mumkin. Agar "Arsenal"ning o‘yin uslubi bo‘lmaganida men bahslashmagan bo‘lardim. Ular yuqori bosimda o‘ynaydi, ular juda ko‘p energiyaga ega. Ronaldu aql bovar qilmaydigan futbolchi, lekin menimcha, u bunday uslubda o‘ynashga qodir emas.

Ishonchim komilki, bu transfer amalga oshmaydi. "Arsenal" Ronalduni o‘ziga jalb qilish uchun o‘z o‘yin uslubini o‘zgartirishi kerak, ammo bu harakat butunlay falokat bo‘ladi", - deya Uinterbern so‘zlarini keltiradi Metro.

Krishtianu Ronaldu 2022 yilning noyabr oyida “Manchester Yunayted” shartnomasini bekor qilganidan beri klubsiz.